星馬軒餐廳 (已結業)

于佐敦做完运动,男友来接我,本来想到景霖食麻辣米线,但呢排自己皮肤唔好,所以比男友敕令禁止。于是就入左呢间星马小店,两个人叫左以下食物。招牌喇沙：都算好味，不过唔算正宗。汤底不算浓味，配料都系ｄ大路野，豆卜鱼片之类，如果谂唔到食咩，选呢个都好。份量对我而言刚好，但对稍为大食的人来说，可能会唔够饱。海南鸡饭：呢个份量都足够，有鸡、有饭、有汤同油菜。油菜无咩特别，个汤男友话好味，不过我觉得系味精野。饭就黄黄地色，就咁食都几好味。至于个鸡都算交足货，好滑同多肉，虽然肉味欠奉，但而家都无咩边间做到有鸡味。而且附奉的酱油可以弥补呢个不足，所以呢个真系可以一试。烧原只鲜鱿：呢个几好味，烧得唔太干同埋食得出好新鲜，而且佢个汁好好味又辣辣地，真系唔错。不过，份量就比我想像中小，每人只得４－５块左右。薏米水：饮落口感浓稠，有熟薏米同糖冬瓜，足料好味。