春水堂 (希慎廣場) (已結業)

春水堂为左整靓自己个 open rice 个 profile，我想整返个牛肉面系列，春水堂当然系榜上有名啦。今次 lunch 来到铜锣湾既春水堂，佢地个环境系 open area。依家 d 高档少少既商场都系咁即格局啦，无计，土地问题。条路窄，如果整埋封闭式既话，就好似行超市咁。言归正传，我同我同事叫左两碗招牌牛肉面。春水堂既牛肉面系用香港人平时食既牛展。即系用来卤水，切到一块块，好薄个 d。呢度既牛展超厚，而且好淋。我唔系好识煮野食，但系我估佢系煮左好耐。牛肉汤好浓味，唔觉有味精。我差唔多饮晒成碗都唔觉口渴。面质林林地，有少少粉粉地既感觉，唔系日本拉面弹牙个种，我个人钟意食 d 硬面。葱同酸菜可以俾多 d，可以更加香。点左杯最传统既珍珠奶茶，珍珠细细粒，唔似普通 20 几蚊有 d 赵头又带 d 唔熟既珍珠，又会痴牙既。淡淡地，配返个浓味既牛肉面，几好。最后，价钱有 d 贵，一碗面同珍珠奶茶连加一就 125 蚊一个人，都几贵，性价比中间啦。