小甜谷 Dessert Kaffee (已結業)

一班姐妹出黎聚会，食到大家都肚涨涨，未食正餐前已系hysan食左个牛角包，然后去打边炉，到而家再食甜品，个胃好似无限大咁。早系小甜谷一开时就已经系大坑帮衬了好多次，一直都系食佢signature 牛乳布丁，及后佢转左用澳洲牛奶，食过一两次，觉得退步左就冇再去。今次姐妹又再推介，话个窝芙pizza超好食，一试，果然冇介绍错。一入到楼底好高，装修走少女风，一睇menu原来有正餐食，见隔离枱意粉大大碟，价钱唔贵，下次会试下。讲番我地的甜品，见都几大碟，于是5个人叫左3碟share。一个朱古力太软，有一球雪糕同几块绿茶cookie。超好食，流心朱古力，好浓，个饼又好食，唔太甜。一个士多啤梨pizza窝芙，底系好脆好味的厚窝芙，中层有士多啤梨同芒果，中间有好多牛乳布丁，顶有一大球士多啤梨雪榚连放的碟都系彷树木的切面，视觉同味觉都大满足。最后系抹茶窝芙，用铁pan上，最下层系好厚的多士垫底，跟住窝芙，顶系抹茶雪糕，另外有抹茶酱俾你另外淋上。抹茶味甘苦，但窝芙中间夹日式红豆，中和左抹茶味，配搭得啱啱好。5个人，3样甜品，共280蚊，野食高质，呢个价钱ok 啦