影片
更多
2011-10-07
26 浏览
6月16日, 呢间一点心开喺屋企附近, 恰巧早排有团购优惠, 于是买咗一张$25当$50洗嘅coupon, 今日终于可以用咗佢lu! 平日lunch time嚟到, 都几多人等位, keep住人来人往…::: 精制马拉糕 ::: $15除咗虾饺烧卖, 呀菲饮茶最爱之一仲有马拉糕! 不过依足传统整嘅马拉糕确实少见,就姑且睇下呢度嘅马拉糕又系咪真系咁精制先~ 其实一睇佢原个马拉糕连蒸笼上就已经够晒绰头! 不过睇真d, 糕身色水比传统属深啡色嘅马拉糕来得浅, 而且亦较为湿淋, 唔够松身, 亦无正宗马拉糕嘅“直横直”气孔, 口感当然亦无咁松软… 不过论味道, 甜而不腻, 都总算唔错嘅~::: 香茜牛肉肠 ::: $15应该系即叫即蒸~ 肠粉质地很不错, 粉皮薄得嚟够烟韧~ 馅料好多, 肠粉被塞得饱满~ 免治牛肉好粉糯, 牛肉味唔太浓, 但香茜气味清新. 豉油落得多, 都几好食. ::: 蚝皇叉烧包 ::: $15叉烧包大大个热辣辣! 内类馅料多得漏汁咁滞, 酱汁都几浓味, 叉烧份量都唔少, 不过肥肉比例都唔低… 整体味道ok, 只系略嫌部份包身有d湿咗一patpat…::: 荷叶糯米鸡 :::
::: 精制马拉糕 ::: $15
除咗虾饺烧卖, 呀菲饮茶最爱之一仲有马拉糕! 不过依足传统整嘅马拉糕确实少见,就姑且睇下呢度嘅马拉糕又系咪真系咁精制先~ 其实一睇佢原个马拉糕连蒸笼上就已经够晒绰头! 不过睇真d, 糕身色水比传统属深啡色嘅马拉糕来得浅, 而且亦较为湿淋, 唔够松身, 亦无正宗马拉糕嘅“直横直”气孔, 口感当然亦无咁松软… 不过论味道, 甜而不腻, 都总算唔错嘅~
::: 香茜牛肉肠 ::: $15应该系即叫即蒸~ 肠粉质地很不错, 粉皮薄得嚟够烟韧~ 馅料好多, 肠粉被塞得饱满~ 免治牛肉好粉糯, 牛肉味唔太浓, 但香茜气味清新. 豉油落得多, 都几好食.
::: 蚝皇叉烧包 ::: $15叉烧包大大个热辣辣! 内类馅料多得漏汁咁滞, 酱汁都几浓味, 叉烧份量都唔少, 不过肥肉比例都唔低… 整体味道ok, 只系略嫌部份包身有d湿咗一patpat…
::: 荷叶糯米鸡 ::: $18呢个又系好大个~ 基本上其实一个人食晒当lunch都饱咗!! 糯米好软淋烟韧, 入面包住嘅馅料亦相当丰富~ 又鸡又菇又瘦肉又咸蛋黄, 加上浓杰嘅献汁, 捞饭食认真一流! 不过真系太多油, 太腻啦~!
越嚟越多呢一种点心快餐店~ 而且好多点心质素都已经可以媲美甚至超越一般酒楼! 贵为米之莲推介食店之一嘅一点心食物质素当然有番咁上下~ 餐厅装修亦花过一番心机, 不过枱与枱空间太窄, 而且开茶只系用茶包, 始终无喺酒楼他他条条慢慢叹嘅感觉. 如果人少少, 又贪快, 呢度绝对系个好选择~ 但人多兼想坐得舒服d, 建议都系去番茶楼吧!
张贴
