南小館 (ELEMENTS圓方) (已結業)

呢度环境装修时尚，地方干净，枱与枱之间唔会太迫，进餐亦无限时，值得一赞，一坐低，侍应帮我用衣套盖住我件褛，又经常加茶，到我埋咗单都仍为我加茶，我认为呢种连锁小店子嘅服务系无得弹👍🏻👍🏻前菜样子普通，尚算好味金网黄鱼生煎锅贴卖相特别，个网底令到入口感觉好脆，而且好够热，浓厚鲜味，充满肉汁，不过皮稍嫌厚，而且非常油腻。老干妈炒年糕好烟韧，值得一赞，微辣，味道唔错，佢用上豆豉去煮，味道更浓香，仲加咗啲茶树菇，有心思，呢个菜虽然看上去好黑，但唔会太咸，但都几油腻，而且份量太少。阿娘雪菜黄鱼面鱼肉滑，不过几腥下，怕腥嘅朋友可能唔会接受，汤底相当好味，直情系饮鱼汤一样👍🏻，面质软硬适足，入口够滑，整个面做得顶瓜瓜👍🏻红油抄手上枱好够热，皮薄，虾肉够鲜味，麻辣味足，呢个抄手反而唔油腻，做得好好👍🏻环境，服务，食物整体俾我嘅感觉舒服好味，价钱唔算太贵，会再帮衬👻。