SAKEH

营业中

休息中

尖沙咀天文台道一带都有好多有心小店，我自己就好钟意试吓唔同嘅新嘢，今次呢间食日式串烧，即管睇吓佢有啲咩特别菜式。先唔好讲串烧住，嚟呢度一定要饮清酒，今晚饮嘅鹰八景纯米大吟酿， 720 mL $488收费都好合理，几个朋友嚟啱晒。今次好大胆试咗个提灯，本身都唔知系咩嚟，店员介绍系鸡嘅输卵管同埋未成熟嘅卵王，好奇心驱使下即管试咗，我谂如果你本身都钟意食内脏嘅话可能都觉得几得意。我个人更加欣赏佢每位送赠一只巨型生蚝，只生蚝超爽甜，手掌咁大只，仲要免费，食得好开心！食串烧当然唔少得要食佢哋嘅牛舌啦，牛味浓同埋爽口，盐烧嘅味道刚刚好唔会太咸。另外我觉得好值得试嘅有白鳝同埋龙虾串！同埋都好可以试吓佢哋嘅烧饭团，预咗即烧要等一啲时间，但系你唔会失望，调味同埋烧嘅干脆度刚刚好，成完肉类后用嚟作总结系非常之不错！舖头个氛围都几chill，我觉得好适合几个朋友嚟饮下酒吹吓水，系几高兴嘅。