影片
更多
2016-01-21
1741 浏览
同 Sa 妹无见年半有多，终于有缘相约晚饭聚一聚，但居然话唔可以饮酒、食辣野、食海鲜 ﹗全部最喜爱既都唔得？我醒目地估到发生咩事啦，恭喜晒。无紧要，咪唔食辣啰，最后决定试雷公子。琴晚爆醉游左返大陆按摩，四点先返到香港食碗面当早餐，再返屋企午睡，一醒已六点半，梳洗埋，等的士，塞车，迟到半个钟呢，sorry sorry。其实已经上网研究过有咩好野食，先 order 招牌菜，再乱点试试啦，哈哈。唔知点解今晚成个九龙城都好冷清，雷公子都不例外，小猫三四只。我地坐楼上雅座，私人空间足够，谈笑风生。虽楼底较矮，但修饰、布局都算坐得舒服，满意既。已经睇左好几次 menu，有几个精美套餐，最后都系决定散叫较为宁活。南北杏青木瓜鸡汤，都几有趣㖞 ﹗一坐低就每人一碗老火汤，唔理您要定唔要，总之先饮为敬 ﹗有质数，真材实料无味精，饮落舒服，味道满意，虽然有点偏甜。立体 3D 芥兰，跟生菜或蒜蓉包，我地选择生菜。其实唔明菜名由来，如何 3D 法呢？只挂住食懒得问。好明显系中式生菜包，上面系炒肉松，盖住下面既芥兰茎。灼芥兰爽甜而充满水份，外暖内冻，应该系一早烚定左，之后舖上炒肉松。虽然唔系热辣辣，但鲜甜味突出，
其实已经上网研究过有咩好野食，先 order 招牌菜，再乱点试试啦，哈哈。唔知点解今晚成个九龙城都好冷清，雷公子都不例外，小猫三四只。我地坐楼上雅座，私人空间足够，谈笑风生。虽楼底较矮，但修饰、布局都算坐得舒服，满意既。已经睇左好几次 menu，有几个精美套餐，最后都系决定散叫较为宁活。
南北杏青木瓜鸡汤，都几有趣㖞 ﹗一坐低就每人一碗老火汤，唔理您要定唔要，总之先饮为敬 ﹗有质数，真材实料无味精，饮落舒服，味道满意，虽然有点偏甜。
立体 3D 芥兰，跟生菜或蒜蓉包，我地选择生菜。其实唔明菜名由来，如何 3D 法呢？只挂住食懒得问。好明显系中式生菜包，上面系炒肉松，盖住下面既芥兰茎。灼芥兰爽甜而充满水份，外暖内冻，应该系一早烚定左，之后舖上炒肉松。虽然唔系热辣辣，但鲜甜味突出，有料到。
炒肉松干而味浓，带极清淡既辣味，食落都几油腻下，尤其食到底既时候，全部都油淋淋。用生菜卷住肉松、珍珠叶食就最正，可以减轻油腻感，生菜鲜爽多汁，好有清新既感觉，满意满意。忘记左卷埋芥兰茎一齐食添，太习惯泰式生菜包食法喇，唯有下次有机会再试啦。
蛋家佬炒蚬，酱汁浓郁不油，重面酱味道而带甜，好香好正 ﹗不过蚬出过水，欠鲜味欠海水味，肉汁流失而变得瘦削不饱满。当然要生炒先可以原汁原味啦 ﹗但如果无足够时间比蚬吐干净砂粒，有机会食到成口砂啰。
蒜蓉烧元贝，Over cook 好浪费啊 ﹗Size 份量十足，好满意。但烧过火有点干硬呢，上水串烧妹处理得宜，好过雷公子百倍。味道合格，大量蒜蓉够惹味，鲜带子味道跟蒜蓉混和，美味。
杜康醉翁濑尿虾，原来每只要 $208 蚊啊，叫左先知，好贵呢 ﹗估唔到系冷盘啰。濑尿虾皇，骨骼精奇、异形既体骼，超巨形，长过只碟呀 ﹗朋友只本身话要戒海鲜，我话食少少唔紧要既，试一节啦。最终都系受唔位美食既诱惑放入口，呵呵呵。连个头都出奇的多肉，入口凉浸浸，幼嫩多汁又鲜甜。试完个头就到个身，好碌大啊 ﹗狠狠地一啖咬落去，跟头既肉质完全唔同，结实、劲弹、滑溜，仲渗酒宜人酒香，清爽而不浊不涩 ﹗味道鲜甜、肉汁澎湃激射 ﹗我就想酒味更浓，细心地令上一小碟花雕，专门用黎对负我依类既酒鬼啦 ﹗好好味，非食不可 ﹗第一次连前髀都劲多肉呀，食紧蟹脚一样，very good ﹗
银山火焰桶蚝，侍应四眼哥哥由下层棒住个煲送到，立即点火，好有气氛呢，搞到我想唱生日歌添呀 ﹗先欣赏一轮火焰既舞蹈，等待桶蚝被烧得发出惨叫声既时候就可以开餐喇 ﹗半张开既银山口冒出白烟，随著时间流逝，白烟越来越多、香味越来越浓，蚝味直扑埋黎 ﹗火越烧越旺，桶蚝们开始发出吱吱声既凄厉叫声 ﹗我地已经束势待发，预备起动喇 ﹗火势渐渐回落，桶蚝亦都已叫到顶点喇，系起筷时候。十分香喷喷啊，暖流缓缓向四面八方扩散。好多只桶蚝呀，份量十足，而且系最好食既中 size 黎呢，我唔客气喇。到底点煮架？第一次食桶蚝既质感系爽弹架 ﹗有微微似蚝豉既质地，浓厚桶蚝鲜甜味道，外层炸过非常香口，而且依然保留少少脆口添。酱汁香香甜甜，又特别又好味 ﹗
黄酒鸡煲，睇到个名令我联想到美味金针云耳蒸鸡，见无咩肉食咁，即刻叫鸡啦 ﹗但我真系谂多左，好失望，浪费左个宝贵 quota 喇。以为会系煲仔菜咁出，谁知黎个明火 gas 炉，滴汗中，无留意添。鸡件无腌过无味道亦都无鲜鸡味，药材太多使到汤带涩味。鸡干鞋而汤有涩味，我地不约而同试左几旧放弃。
麻婆豆腐，一轮冲刺后，话咁快又到尾声喇，当然系粥粉面饭时间啦，先黎个麻婆豆腐预备捞炒饭食先。花椒一粒粒，食既时候赵到一粒粒硬屈屈，感觉唔良好，用花椒粉更好啊 ﹗花椒味不太强烈，完全无麻既感觉。反而渗出浓厚孜然粉味噃，加上豆瓣酱微辣带酸，够晒开胃。肉碎味道香浓配清淡上滑头腐，好味。
大肚婆鸡油姜米炒饭，等到颈都长 ﹗麻婆豆腐既 honey 出场，劲香劲有镬气，香喷喷 ﹗鸡油特别香，姜米带点辛辣非常醒胃，而且炒功了得，好味道。立即倒两大羮麻婆豆腐捞捞去，擦出火花、撞得精采 ﹗湿润软滑并埋干爽饱满超好味呀 ﹗
花生、甜酸蒜头
151 浏览
0 赞好
0 留言
南北杏青木瓜鸡汤
88 浏览
0 赞好
0 留言
立体 3D 芥兰
75 浏览
1 赞好
0 留言
立体 3D 芥兰
47 浏览
0 赞好
0 留言
蛋家佬炒蚬
56 浏览
0 赞好
0 留言
蒜蓉烧元贝
46 浏览
1 赞好
0 留言
杜康醉翁濑尿虾
53 浏览
1 赞好
0 留言
杜康醉翁濑尿虾
37 浏览
0 赞好
0 留言
杜康醉翁濑尿虾
34 浏览
0 赞好
0 留言
杜康醉翁濑尿虾
32 浏览
0 赞好
0 留言
银山火焰桶蚝
31 浏览
0 赞好
0 留言
银山火焰桶蚝
32 浏览
0 赞好
0 留言
银山火焰桶蚝
31 浏览
0 赞好
0 留言
银山火焰桶蚝
31 浏览
0 赞好
0 留言
银山火焰桶蚝
39 浏览
0 赞好
0 留言
银山火焰桶蚝
41 浏览
0 赞好
0 留言
黄酒鸡煲
83 浏览
0 赞好
0 留言
黄酒鸡煲
41 浏览
0 赞好
0 留言
麻婆豆腐
55 浏览
0 赞好
0 留言
大肚婆鸡油姜米炒饭
77 浏览
1 赞好
0 留言
麻婆豆腐、大肚婆鸡油姜米炒饭
63 浏览
0 赞好
0 留言
张贴
