玉桃軒酒家 (利舞臺廣場)

营业中

休息中

好耐冇食个中菜，今日就约咗屋企人一齐去食中菜。之前食过呢度，觉得环境同味道都唔错， 之后再book枱嚟过啦！睇下个餐牌，都有好多中式嘅小菜好好食咁。 尤其系见到个好抵嘅晚膳三宝，有鸡有鱼同可以拣多个小菜，都系$328真系好吸引，仲要喺铜锣湾㖞⋯⋯我哋一于决定叫个晚膳三宝食首先嚟咗个一品蒜香鸡，感觉有啲似炸子鸡咁外皮香脆，而且鸡肉嫩滑最重要系要点个酱汁、点个酱汁、点个酱汁，重要既事要讲三次呢个酱汁充满蒜味，而且甜甜地，鸡点完之后，更加香浓、更加惹味！小菜方面可以任拣一款，我哋拣咗菠萝咕噜肉。呢碟菜炒到七彩缤纷，好吸引。咕噜肉炸得外脆内软，而且酱汁酸酸甜甜，好开胃！另外仲有青椒红椒同菠萝等等，都好惹味！最后嚟咗个清蒸海石斑，差唔多有一只手臂咁长，都唔系好细条。鱼肉好嫩滑，而且十分鲜美，不过味道比较清淡，加多啲鱼汁就啱啱好啦整体来讲，系铜锣湾食饭食到咁既价钱系抵既而且以食物质素方面都唔错！地点仲要系利舞台，好方便！不过估唔到今日系星期4都咁多人，真系受欢迎！