稻坊 (曼坊) (已結業)

阿哥叫食饭, 话稻坊抵食, 于是我们四个人, 又去试下啦. 今次, 是食晚饭.今期稻香集团有新 promotion, 人人有乳鸽食, 送既. 无论你叫多叫少, 咩价钱, 每人都有半只. 瘦鸽.的确, 乳鸽系炸得几香口既, 不过真的好瘦, 肉真系少左d. 净睇只翼仔, 好似非洲D营养不良, 皮包骨既小朋友.没有选套餐, 叫了一个龙趸两味, 一个清蒸头腩, 一个炒龙趸. 部长小姐话条龙趸啱啱"汤", 要等40分钟. 反正一家人倾计, 等, 冇所谓啦. 点知, 两份龙趸, 先后地, 随著乳鸽, 一齐上. 肉只是少许. 够食. 是晚四个𩠌, 最好食都系鱼了. 龙趸够新鲜夹口. 连皮, 厚肉. 感觉不错. 驼鸟肉, 呢份就真的好细份. 两三下, 已把所有驼鸟肉夹清. 只剩伴碟的青瓜. 留意到, 碟炒龙趸同驼鸟肉, 同样以青瓜伴碟. 再留意下其他台的小炒类食物. 都系青瓜伴碟. 贪佢够平, 亦可利用青瓜, 把份量小的食品, 充大碟......好过饮茶DD啦, 再唔改进下, 美孚d人返返去富临, 名楼了.