海灣茶居

营业中

休息中

大角咀呢边比较少行同少食野，今次行到过黎所以都揾埋野食，系呢区我算一个外区人而且唔算多行既地方，见到呢间非连锁式餐厅所以就拣黎试下，食完之后就觉得还好算唔错既餐厅，可以一试。点了，金银蛋浸菜苗，枝竹火腩煲，加48蚊点沙姜鸡，炖汤。金银蛋浸菜苗，唔错又足料，金银蛋真系算唔少，而菜苗都份量都ok整体份量又算可以。枝竹火腩煲，唔错又系足料，火腩都算唔少又有菇类，火腩食落去口感都算少少林又唔算太肥，枝竹大块。沙姜鸡味道正常啦，不过不失。炖汤味道够浓还不错。除返开两人131蚊又真系几抵，而且仲有糖水红豆沙包埋，食落去足料又唔稀。整体黎讲，呢间质素算唔错，而且坐卡位都够舒服。