招點薈 (已結業)

都好耐冇去食西餐，最近都系放工去附近嘅餐厅度食，今日接男朋友收工，经过见到呢间餐厅门口个位几chill，吸引左去睇，所以最后决定同男朋友就呢间晚餐！餐厅门口有个bar枱位，一边食一边睇住出面嘅风景，感觉简直冇得顶，但今日有啲大风，加上我怕冻，所以我哋都系要求坐返入面！餐厅入面装修风格似西餐厅，摆放左好多酒嘅装饰品！餐汤食西餐餐汤一定系先上，通常餐汤就决定咗我对呢一间餐厅嘅第一感觉，呢一只忌廉汤果然冇令我失望，令我更期待之后嘅菜式！菠菜牛肝菌意大利饭我一向都麻麻地意大利饭，因为意大利饭嘅饭粒一向偏硬，但呢度竟然有惊喜，男朋友叫咗呢个饭，我竟然一个人食咗大半部份，估唔到菠菜同牛肝菌配上意大利饭系咁夹嘅，而且饭粒嘅软硬程度适中，食下食下好快就食晒！意式香草汁煎新鲜三文鱼三文鱼嘅烹调技巧系好困难的，因为自己都有下厨嘅习惯，唔可以太熟，呢度嘅三文鱼食落嘅第一个感觉就系师傅用高超嘅技巧将三文鱼煎至刚好，而我最钟意就系食三文鱼上面嘅皮，脂肪比例简直系完美，配上意大利香草汁，令到成个感觉如虎添翼！