101臺灣品味館 (已結業)

晚饭时间系附近揾嘢食，咁啱呢间有位唔洗等，就拣咗呢间，1个人最易揾位！食亲台湾野我都钟意叫个蛋饼，今次叫咗个起司玉米鸡蛋饼，$46，粟米芝士一定无得输，个皮都脆脆地，芝士都有啲拉丝既。另外再叫多个面食，叫咗份盐酥鸡卤肉拌面，$82，单点无饮品跟，望到佢上枱觉得价钱都算贵，感觉似系$50。盐酥鸡系炸得ok既，又唔会话好咸，拌面有啲似四川风味，有青瓜丝同花生再加卤肉。份量嚟讲正常一人份量。呢度仲有糖水食，几多选择！影咗2页餐牌比大家望一望。