宮葉 パフェ (已結業)

呢日同朋友嚟到呢间位于官塘牛头角道嘅宫叶食lunch, 餐厅装修日本风格，因为楼下已经坐满客，所以侍应带左我哋上楼上雅座，楼上的座位坐得都算舒服。我叫左个和风猪软骨拉面($56)配热柚子茶(跟餐加$5)。拉面先上，饮左一啖汤底感觉好似有味精味，比较普通。猪软骨炆得亦唔系好够腍，味道同口感都只系一般。温泉蛋同竹笋都唔错，但因为主角嘅汤底同猪软骨都系普通，所以整体感觉都系一般。热柚子茶虽然只系跟餐加$5，但因为真系几淡，所以感觉唔系好抵饮。呢餐拉面嚟讲虽然唔算贵，但因为食物同饮品都好普通下，所以并无任何抵食嘅感觉。