影片
更多
2015-05-16
4506 浏览
今日一收工就一行六人柴娃娃去深水埗觅食，由于要去鸭疗买d野，所以就响openrice拣左「容记」。店内环境简单普通，摆左几张大台，7点到店唔使排队，但店员同我地讲用餐时间只有1.5小时⋯甘短时间当然就要捉紧时间～菜上得好快！我地几个人就点左几碟小菜⋯沙拉骨：酸酸甜甜，味道都ok,但一两旧就止，因为食太多会漏。招牌烧腩仔：味道都ok,不过芥末酱有点与别不同，呢度系用青芥末，都系用返传统黄芥末会令腩仔味道出一点！皮不够脆，肉质入味较嫩⋯但称之为招牌就有点那个喇！椒盐鲜尤：尤鱼新鲜鲜甜，可惜炸得不够火候，太湿，面粉比较糊口，唔脆！而且味道唔够椒盐，只能叫炸尤鱼⋯椒盐墨鱼嘴：都系一样炸得唔够火候，面粉太湿，但墨鱼口感弹牙！草菇扒时蔬：生粉羡太重⋯椒丝通菜：普通水准！豆腐蒸鱼云：都系打茨太杰，调味过重，盖过鱼的鲜味。虾饼：肉质弹牙，可惜又系炸得唔够火候，表面好湿。最意想不到既反而系个菜干蚝仔粥，好鲜甜，好香！总括，都系普通之作！炸功方面应该作改良，因为炸出黎个卖相唔吸引⋯食物茨汁亦不要太过！最后：埋单𠮶位小姐员工太串嘴，态度嚣张！张单可以摆响台，一大班人埋单当然需要小小时间，系正常！佢竟然单不离
店内环境简单普通，摆左几张大台，7点到店唔使排队，但店员同我地讲用餐时间只有1.5小时⋯甘短时间当然就要捉紧时间～菜上得好快！我地几个人就点左几碟小菜⋯
沙拉骨：酸酸甜甜，味道都ok,但一两旧就止，因为食太多会漏。
招牌烧腩仔：味道都ok,不过芥末酱有点与别不同，呢度系用青芥末，都系用返传统黄芥末会令腩仔味道出一点！皮不够脆，肉质入味较嫩⋯但称之为招牌就有点那个喇！
椒盐鲜尤：尤鱼新鲜鲜甜，可惜炸得不够火候，太湿，面粉比较糊口，唔脆！而且味道唔够椒盐，只能叫炸尤鱼⋯
椒盐墨鱼嘴：都系一样炸得唔够火候，面粉太湿，但墨鱼口感弹牙！
草菇扒时蔬：生粉羡太重⋯
椒丝通菜：普通水准！
豆腐蒸鱼云：都系打茨太杰，调味过重，盖过鱼的鲜味。
虾饼：肉质弹牙，可惜又系炸得唔够火候，表面好湿。
最意想不到既反而系个菜干蚝仔粥，好鲜甜，好香！
总括，都系普通之作！炸功方面应该作改良，因为炸出黎个卖相唔吸引⋯食物茨汁亦不要太过！
最后：埋单𠮶位小姐员工太串嘴，态度嚣张！张单可以摆响台，一大班人埋单当然需要小小时间，系正常！佢竟然单不离手，不停讲价钱系几多，重复再重复，直至我地喝停佢，先肯摆低张单。佢既态度真系好唔识尊重客人，其实系一个饭后污点！
张贴
