板長壽司 (已結業)

是日唔知食乜好，然后就去左食板长喇。首先有4款寿司。呢4款入面，左上嘅虾我觉得唔好食无虾味。右上嘅三文鱼腩最好食，都算好肥美新鲜。左下嘅带子都不错，都几鲜甜。右下嘅腐皮由男朋友清哂，佢觉得正常无特别。呢个好似系油甘鱼，我觉得唔好食，好似发泡胶。然后有三款军轞，其实呢三款都麻麻地。最左嘅系吞拿鱼，我觉得好腥好难食。中间系蚝，蚝本身应该唔太新鲜，加左好多酱汁，唔好食。右边嘅海胆，卖相好靓咁，不过有啲腥，但我觉得都可以接受。呢个鳗鱼芝士卷反而好好食！鳗鱼肥美无骨，配埋芝士系好正。呢个牛嘅卷物都几好食，啲牛好香，不过韧左少少。整体而言，想食日本野嘅时候都会考虑，不过唔会特别推荐。