天仁茗茶 (Mikiki)

营业中

休息中

天仁分店愈开愈多，曾经有一段时间我好沉迷913鲜奶茶同香橙绿茶，但由于每间分店饮到嘅比例都唔一样，无所适从，我都好少再饮喇。之前佢地出左个梳乎厘班戟，其实都想试嘅，但又唔系间间分店供应，有嘅分店又离我特别远。难得今日黎到新蒲岗，仲要见到Mikiki都有，明明要食晚饭都冲啦。913茶王梳乎厘班戟 $42梳乎厘班戟共4款：913茶王、铁观音、蓝莓、士多啤梨，一律$42。理论上即点即制，但唔知点解我地点单时刚好有一份出炉，就唔洗等。卖相同图片都有些少出入，珍珠同士多啤梨放喺旁边，我自己搬番去淡忌廉上面。班戟两件，不易下塌，厚薄都适中，质地合格，唔会太实在，又唔合好似风一样，可惜淡而冇味，唔知食紧咩，靠面头啲淡忌廉搭够。所谓茶王，只有微弱茶味来自珍珠，早知叫铁观音啦。话贵就唔系贵，但味道太普通，冇咩值得试嘅点。