影片
更多
2009-06-16
95 浏览
5月3日, 因为呀菲嘅姑妈生日, 兼预早庆祝下母亲节~ 所以订咗一张大枱一行9人黎到食潮州打冷. 佢比咗间开放式嘅房我地, 自成一角兼有电视睇. 除咗喺泉章居之外, 都好少喺其他酒楼式嘅地方打冷, 今次都算系特别嘅选择~ 我地9个人叫咗8个菜, 连埋白饭刚好~::: 蚝仔肉碎粥 ::: 最重要一定系d蚝仔肉, 好彩都算新鲜, d饭好淋, 粥底几清甜够味, 肉碎颇淡, 唯独冇乜胡椒味, 吊唔起整个粥嘅味道~::: 金牌卤水三宝 ::: 讲到明金牌, 所以一定要试啦~! 有鹅肝, 鹅片同鹅肠~ 鹅肝份量比较多, 真系第一次咁样食卤水鹅肝, 质地好润又肥美, 满口油香, 十分好味~! 可惜卤水汁只流于表面, 内里只系好普通嘅鹅肝, 好似同卤水分隔咗… 鹅片同鹅肠份量都唔多, 鹅片切到好薄, 好易入口, 完全唔韧, 亦唔算好肥, 卤水好入味, 几好~ 不过鹅肠就认真求其, 唔弹牙之余仲淋pat pat., 仲衰过出面打边炉𠮶d…::: 沙茶牛河 ::: 都算几正宗, 不过冇乜惊喜~ 沙茶酱, 牛肉, 都系普通同街边打冷一样, 河粉略嫌太淋太湿, 有d差~::: 潮和骨 ::: 睇个名好特别,
::: 蚝仔肉碎粥 :::
最重要一定系d蚝仔肉, 好彩都算新鲜, d饭好淋, 粥底几清甜够味, 肉碎颇淡, 唯独冇乜胡椒味, 吊唔起整个粥嘅味道~
::: 金牌卤水三宝 :::
讲到明金牌, 所以一定要试啦~! 有鹅肝, 鹅片同鹅肠~ 鹅肝份量比较多, 真系第一次咁样食卤水鹅肝, 质地好润又肥美, 满口油香, 十分好味~! 可惜卤水汁只流于表面, 内里只系好普通嘅鹅肝, 好似同卤水分隔咗… 鹅片同鹅肠份量都唔多, 鹅片切到好薄, 好易入口, 完全唔韧, 亦唔算好肥, 卤水好入味, 几好~ 不过鹅肠就认真求其, 唔弹牙之余仲淋pat pat., 仲衰过出面打边炉𠮶d…
::: 沙茶牛河 :::
都算几正宗, 不过冇乜惊喜~ 沙茶酱, 牛肉, 都系普通同街边打冷一样, 河粉略嫌太淋太湿, 有d差~
::: 潮和骨 :::
睇个名好特别, 应该系潮州特色菜, 不过卖相同味道都食唔出有几潮… 有d似沙拉骨, 酱汁甜甜地, 再渗上芝麻粒, 味道几醒胃, 不过份量少得惊人, 加上骨多过肉, 只合2人份…
::: 腿茸津白 :::
由相可见, 腿茸少得可怜, 津白有d老, 而油都颇多, 像是油菜一碟…
::: 石榴鸡 :::
全晚最为满意嘅一味, 卖相有心思, 以蛋白做成嘅皮包住鸡肉, 形状似小笼包, 淋上蛋白献汁, 再以西籣花伴碟~石榴鸡味道一流, 鸡肉嫩滑, 粉皮包住咗鸡汁令到鸡味封锁住喺入面唔会流失, 就算摆咗一阵先食都唔觉冻~ 西兰花配蛋白献汁都非常美味, 此味菜为是晚推介菜色!
::: 蚝烙 :::
普普通通, 略为煎得比较薄身, 好处系d蛋浆唔会唔够煎时间而好似浆糊咁, 不过都系2人份倒, 唔系好够食~
::: 梅子蒸乌头 :::
颇为失望嘅! 因为作为潮州菜主食, 呢条鱼可谓唔合格, 鱼味欠奉, 梅子亦唔够酸…
食完感觉都唔太满足, 可能真系欠缺咗街边打冷嘅风味, 菜式亦欠镬气… 酒楼其实座位唔多, 大枱更少, 我地订嘅枱喺正最埋, 冇乜侍应黎服侍, 加茶都要叫3,4次先有人理… 不过好彩有电视睇, 免费电视送饭, 分散注意力对d菜都冇咁失望, 不过睇黎都冇下次架喇…
张贴
