九龍餐室

营业中

休息中

话说夜晚想同爸爸颓颓地食番个饭，见经过呢间餐厅咁多次都无入去就想话试下佢。夜晚89点到，唔系好多人，入去就有位，未坐定就有侍应叫话睇下食啲咩，系好似倾计咁嘅语气，印象唔错。唔系话好肚饿，于是叫左个常餐，番茄浓汤鸡丝米粉，有多士炒蛋，茶或咖啡。佢个番茄汤底超级浓，介乎打碎番茄蓉同西式汤中间，鸡丝唔系好鞋，普普通通。但个炒蛋麻麻，有啲老。爸爸叫左个番茄猪排饭，只碟个size吓亲我😂大到有啲离谱。猪排唔系弹牙，而系冧身嘅口感，可能有香料腌过，食落口有煎香同香料味，可以一试。可能唔系太多人，所以上餐速度几快，食紧嘅时候听到侍应会问客人好唔好食🤣之后来收碟都有问我地，好似倾计咁，除左一开始落单果个侍应好似无咩礼貌，其他都几好倾。