財記海鮮火鍋活魚刺身

营业中

休息中

去大角咀食火锅不嬲都去开出名𠮶间，不过个人有少少洁癖，实在唔想食野个环境太嗱咋，于是行左入黎。佢系成条埃华街食火锅个环境最光猛企理既，环境我会俾5星。食火锅个重点不嬲系食材鲜唔鲜，靓唔靓，例牌叫个手切本地黄牛，再叫店家推荐海鲜，之后点左白鳝，翠玉鲩，海胆同鲜虾刺身，加大量鱼滑，店家又推一个盐烧鲍鱼，估且一试。先到既系刺身，摆盘卖相好麻麻，以为中伏，点知一食落个海胆，非常鲜甜，拍得住omakase 供应𠮶d. 之后烧鲍鱼到，食落非常鲜嫩多汁，真系一啖食完想啜埋个汁。刚好今日老板现场打骰，问一问先知日卖二百只以上。之后食墨鱼滑同鱼鲩，都好鲜同有滋味。最后，我地一行6人系食唔哂肥牛同丸，海鲜真系啪哂。牛其实都好食，不过我会拣更难得既海鲜，呢个质素唔多见。