滿東冰室

营业中

休息中

今日嚟到满东邨探朋友，早早入到黎当然要食个早餐🥣叹吓，黎到一间叫「满东冰室」嘅茶餐厅，设有卡位雅座也有圆枱，店面光猛明亮，望落干净。谂都唔使谂梗系食随心搭配嘅常餐，沙嗲牛肉公仔面🍜，沙嗲牛肉有咬口带点筋，沙嗲味道浓，公仔面就颓野，火腿肠仔加工野无特别，牛油方包算有诚意去包边。另外朋友叫左个欧陆扒餐，拣咗深海吉列鱼柳，鱼柳炸到香脆肉嫰，但呈菜时鱼柳已经甩皮甩骨，茄汁焗豆份量少，牛油多士有烘过可惜牛油🧈一点都吾出，整体份量少、食完之后都唔够饱。热奶茶☕️入口顺滑茶味浓郁，奶中和茶嘅苦涩味，奶茶☕️算不错。总结：整体质素 麻麻可以不试