熨烤達人 (已結業)

听闻呢间餐厅系黄店，好耐以前食过一次烤肉晚餐，之后都冇再嚟。今日下午得闲嚟荷里活广场食野，一于帮下黄色经济圈啦！我地一人一个lunch set: 韩式炒粉丝伴紫菜饭卷，金队长锅，泡菜炖豚肉饭，芝士炸鸡。韩式炒粉丝伴紫菜饭卷$68炒粉丝比较咸，份量较少。紫菜饭卷就正常水准，送嘅辣芽菜都几好食。金队长锅$88锅嘅材料好足够，芝士同鸡蛋几正，不过个汤比预期辣，太刺激，最后都食剩少少饭。泡菜炖豚肉饭$88个锅上枱时热辣辣仲滚紧，汤汁好辣，白萝卜几软身，豚肉就鞋左啲。芝士炸鸡$38炸粉薄薄地，芝士汁入面有蕃茄肉，整体炸鸡唔够味，肉质都还可以，如果落多少少盐同芝士就好喇！虽然系黄店要支持多啲，不过希望佢可以提升下食物嘅质素，吸引多啲客人啦！宜家出外面食个午餐都要成百蚊，真系好贵。