友口馥 (已結業)

本身好钟意食肠粉，见有报章介绍过，喺屋企附近点都要试下，但老实唔系好识欣赏呢类肠粉，所谓有个石磨但真系无米香味，质地系胶胶地，我都系钟意茶楼或粥舖个类先有米香味。肠粉唔啱我口味，见佢间唔中会有绿豆沙，有次行过就试一次，过甜，而且佢系开芡整到佢杰身，口感好差，好多年前平价茶楼先会咁样打芡...........另外亦食过不同味砵仔糕，见多数人食黑糖红豆，但我觉得只系死甜，其实原味好啲啲，当然有人会唔钟意原味觉得啲豆味好似有啲苦味。而芝麻又系无乜味，无豆感觉仲胶。最大问题系佢全部砵仔糕都唔软熟，好硬胶，我喺街一食咁硬就唯有拎返屋企整热佢睇下会唔会软啲........总之觉得自己俾咁多次机会佢，最后自己中晒大伏，特登写低提醒自己唔好再中伏。系个粥正常唔伏。