影片
更多
2024-08-10
784 浏览
Transformers The ARK📍铜锣湾罗素街38号金朝阳中心地舖至1楼A&B号舖日前碌过一、两个posts，发现有好多人议论纷纷，讨论铜锣湾地标餐厅之一嘅Transformers餐厅系咪即将结业，引起咗我对佢嘅留意同兴趣。自问去亲铜锣湾，无十次都有九次会经过或见到呢间门面咁抢眼嘅餐厅，但无一次停低过脚步了解到底有咩好食。今次再踏足铜锣湾，我同朋友决定唔book任何餐厅，直接去呢间全球唯一嘅Transformers餐厅食晚餐，顺便探究一下到底有咩原因，令一向爱去卡通造型餐厅、非对Transformers反感嘅我，都不曾帮衬一次。我必须先同大家讲，呢间餐厅overall系值5星好评，去完除咗开心、饱足，我亦有一丝不舍、惋惜。开心系因为见到员工嘅殷勤、装修嘅用心；会不舍系因为见到大环境下人人北上消费，连咁大嘅集团都挨唔住，令咁有特色嘅一间餐厅、咁有热诚嘅一班员工，面临结业、失业嘅难关。 💰$45/2个海苔鳕鱼堡 🍔暑假期间，Transformers The ARK推出极笋优惠，即日起至8月23日，可享$45买一送一优惠，购买2个海苔鳕鱼堡！呢个鳕鱼堡嘅包身完美勾画出正义一方——博派
📍铜锣湾罗素街38号金朝阳中心地舖至1楼A&B号舖
日前碌过一、两个posts，发现有好多人议论纷纷，讨论铜锣湾地标餐厅之一嘅Transformers餐厅系咪即将结业，引起咗我对佢嘅留意同兴趣。自问去亲铜锣湾，无十次都有九次会经过或见到呢间门面咁抢眼嘅餐厅，但无一次停低过脚步了解到底有咩好食。今次再踏足铜锣湾，我同朋友决定唔book任何餐厅，直接去呢间全球唯一嘅Transformers餐厅食晚餐，顺便探究一下到底有咩原因，令一向爱去卡通造型餐厅、非对Transformers反感嘅我，都不曾帮衬一次。
我必须先同大家讲，呢间餐厅overall系值5星好评，去完除咗开心、饱足，我亦有一丝不舍、惋惜。开心系因为见到员工嘅殷勤、装修嘅用心；会不舍系因为见到大环境下人人北上消费，连咁大嘅集团都挨唔住，令咁有特色嘅一间餐厅、咁有热诚嘅一班员工，面临结业、失业嘅难关。
[价钱 Price]
💰$45/2个
海苔鳕鱼堡 🍔
暑假期间，Transformers The ARK推出极笋优惠，即日起至8月23日，可享$45买一送一优惠，购买2个海苔鳕鱼堡！呢个鳕鱼堡嘅包身完美勾画出正义一方——博派嘅logo，颜色金金黄黄，面包口感松软绵密，店员用心制作后小心翼翼咁用纸包好，放入盒中，所以毫无「变型」，同宣传照近乎一样，值得特别赞赏！
除主角炸海苔鳕鱼扒，内里唧满清新嘅沙律酱，仲夹有新鲜生菜同味道浓香嘅芝士片，即使买一送一都唔会偷工减料。鳕鱼扒嘅面衣带淡淡嘅海苔香味，表面炸得干身香脆，内里鱼肉则滋味嫩滑，一口咬落满足感非常，层次感丰富，完胜好几间知名国际连锁店！
[价钱 Price]
💰$28/2杯
朱古力乳酪扭纹雪糕 🍦
雪糕同样有买一送一优惠，分别有朱古力、乳酪同扭纹三款选择。我同朋友都想一次过食晒两只味，所以拣咗朱古力乳酪扭纹雪糕。中杯size嘅雪糕杯唧满雪糕，唔会好快溶之余，两款口味都非常突出，感觉就似咬紧一排高浓度朱古力同食紧一杯超浓缩乳酪咁。雪糕整个口感介乎soft ice cream同frozen yogurt之间，唔会太甜，感觉系比较健康嘅雪糕。
当日我坐上层，同场有好多爸爸妈妈带埋小朋友食嘢，亦有唔少旅客光顾，店员会协助送餐，又会为小朋友送上精美嘅Transformers气球，餐巾餐纸都印有靓靓logos，绝无半点可挑剔嘅地方，喺嚟紧嘅时间我将一访再访，希望喺呢个咁美好嘅地方，多留一点回忆。
最后，我想藉呢个少少嘅平台同空间，呼吁大家多啲留港消费、多啲支持本地市场、餐厅、小店。无可否认，内地嘅优质服务同便宜嘅价钱比香港吸引，但香港仍然有高质有礼嘅服务、高性价比嘅美食⋯⋯如果连香港人自己都唔肯留低消费，习惯买只蛋、买棵葱都上大陆，日后不同行业相继挨唔住，恐怕受害嘅最终都系我哋自己。
张贴
