鼎家喜筷 (已結業)

天气又凉返啲，咁嘅天气，打边炉食鸡煲，真系一个最佳选择😀今日同朋友去到海之恋呢间鼎家喜筷，佢哋个鸡煲唔算贵，重要任食鸡件，而且鸡件大大件，啖啖肉，认真抵食，但留意返，用餐时间有90分钟😂幸福鸡煲 - 鸡件好多肉，鸡煲个灵魂系个汁，佢哋个汁坚好味，令到平平无奇嘅鸡肉，变得美味无比👍🏻 加埋啲辣味，开胃又醒神，好食到停唔到口😍 食完第一转，如果唔够喉，可以再嚟多转，真系食鸡煲都食到饱呀👍🏻蔬菜拼盘 - 两个人食，刚刚好，蔬菜又新鲜，食咗咁多肉，真系要食返啲菜平衡吓😊蟹柳 - 好粗大，口感一流，又系啖啖肉嘅感觉，太幼身嘅蟹柳唔够口感。蟹柳吸收咗鸡煲嘅汤汁，劲好味，食咗两碟😂珊瑚蚌 - 好新鲜，放汤一分钟就食得。爽口弹牙，加埋鸡煲汁嘅加持，无得输。蓝莓芦荟绿茶 - 好清新的口感，能将鸡煲啲油腻感，辣味，一扫而空。加上芦荟，感觉打边炉嘅热气都全消了，必饮推介👍🏻