嚐喜大不同特色餐廳小廚

营业中

休息中

趁住早两日天气又冻返🌀梗系要捉紧食煲仔饭🍲嘅机会啦，今次就来到位于天后嘅小菜餐厅《尝喜大不同特式餐厅小厨》，听闻呢度嘅煲仔饭系用炭烧，之前都有朋友来过，饭后都一致好评👍另外，餐厅除左煲仔饭出名之外，仲会有各式各样大排档嘅小炒。提提大家，来呢度食饭最好预先book枱，因为当晚我地六点坐低之后，隔左一阵已经差唔多坐满晒。同埋餐厅要预留食材，有啲𩠌菜需要前一日打电话去留定。~🤩梅菜肉饼饭(HKD85) & 白鳝排骨饭(HKD90)煲仔饭嘅份量唔系好大，唔大食嘅话，一煲够一个人食。我同女朋友两个人就决定一人叫一煲再另外叫个小菜试下。先讲下煲仔饭上面嘅𩠌先，调味恰好，唔会掩盖到食材本身嘅鲜味，相信系餐厅对自己挑选新鲜食材嘅信心。到主角煲仔饭，我觉得厨房师傅系有用心去烹调，因为用炭烧嘅情况下，啲米饭粒粒分明，唔会太多水一「pat」亦唔会太干身。当然，煲仔饭其中一个主角「饭焦」都非常出色，咬落香脆可口，但又唔会太㶶。我地两个眨下眼就食晒两煲饭。🤩大不同小炒皇(HKD108)我地惊唔够饱所以就叫多碟小炒皇试下。用料丰富，虾仁同虾干size都唔细，调味略厌重味左些少，不过用来送啤酒嘅话重味些少亦无不可。