噢吧煲煲掂

营业中

休息中

冬天就系时候食煲仔饭，虽然今晚回暖返好多，但都无损雅兴嘅，是晚就同朋友黎左噢吧煲煲掂度食煲仔饭。七点多黎到，全店满座，未到排队等位，但都要等一张枱呀，煲仔饭制作需时，谂紧等唔等好个阵咁啱有人走，lucky㖞坐低就即刻落单，点左一人一个煲仔饭，有例汤送，系红萝卜猪骨汤，几甜几好饮呀。仲架左碟油菜，哈哈，食返啲菜嘛，煲仔饭全部系肉黎。等左大概三十分钟就有得食，期待呀～自己点左窝蛋鲜牛肉煲仔饭，卖相不错嘛。牛肉好多，厚切㗎，切得好大块有少少韧，佢仲加左红枣同杞子，感觉好养生只蛋望落熟晒咁样，切开都仲有蛋汁，唔错啦，整体黎讲系好味嘅，建议啲牛肉可以切细返啲。朋友嘅黄鳝腊肠煲仔饭，好多料㖞。有啲腊肠油果然系香好多，正呀，黄鳝肥美，仲有啲厚花菇添，好味加左豉油焗一焗，啲饭焦就出黎，脆卜卜好正。好多款都好好味咁，再黎食先。