翠苑餐廳小廚 (已結業)

今日去大角咀食饭，见有啲冻就入咗翠苑小厨餐厅食双冬羊腩煲，同埋"一人一锅"火锅，拣咗龙虾海鲜拼盘打埋边炉， 有半只超大嘅波士顿龙虾，入面超多膏，只龙虾超鲜甜，另外仲有扇贝、青口、蚬肉、鱿鱼，超多海鲜仲有津白同埋公仔面 ，个餐都唔使一百蚊超抵食，而且个汤底超有海鲜味， 渌出嚟嘅公仔面系非一般嘅公仔面。 双冬羊腩煲入面超多羊肉，半肥瘦唔会话太肥或太瘦，个羊腩煲嘅汁好浓，渌生菜食时索埋啲汁又系好好味，而佢哋秘制嘅腐乳酱点埋羊肉食，食到个人暖笠笠，冬天都唔怕冻。 饭后仲有椰汁西米露糖水送添。正！其实呢度仲有好多中式小菜、粉面、鸡煲、烤鱼、酸辣鱼、焗龙虾、牛腩牛杂、同埋招牌卤水食品，真系好多选择，如果下次离开大角咀我会再嚟呢度食。