膠得喜 (已結業)

连续几日假期之后，再返工，多嘢做就梗㗎啦，所以又遇到同样嘅问题啦，好夜先收工，揾唔到嘢食，间间铺头都闩晒门，今次喺佐敦揾嘢食，揾咗呢一间比较夜收，一睇个名就知道佢系主打食花胶喇，舖头嘅位置唔系好抢眼，响佐敦鱼油麻地之间 一，铺头门面亦都唔系好大间，大家可能要用心啲去玩得。今次叫咗一个花胶鸡泡饭（$68）鸡汤好鲜味，如果天气冻嘅时候饮一定好正，另外有叫咗一个花胶冬菇捞面（$58）用鱼蓉面做粗面做捞面，加埋花胶汁非常惹味，另外就叫咗一个炖汤，螺头淮山杞子花胶炖鸡（$68）好有药膳风味健康嘢，整体嚟讲都几好味，价钱都几抵，值得推介。