宏 (已搬遷) 新店位置

朋友系要见既，今日我地相约一齐食最爱既日本野。黎到餐厅见到格局好清新，装修以简约为主。门口有个玻璃柜，show左各式各样既蛋糕，好吸引呀！值得一赞系枱与枱之间唔会密密麻麻咁，倾计都倾得开怀d啦。首先系海藻乌冬配甜品特价餐。面类我地拣左烟三文鱼海藻乌冬。面条系扁身，绝对唔好以为系平时食开既乌冬，个人觉得系比较腍既冷面。甜品系黑芝麻蛋卷。跟餐原本系高级斯里兰卡红茶，但我地转咗做热既宇治焙茶奶。热辣辣好有茶香呢！另外仲有个迷你三彩丼定食。三款主食分别系鳗鱼饭，吞拿鱼鱼生饭同海藻乌冬。满足晒有选择困难症既朋友，因为样样都可以试少少。最推介鳗鱼饭，系连d饭都充满鳗鱼汁嫁。甜品系小抺茶蛋卷，size好的骰，比我地秒清左。同样饮品方面都转左宇治抹茶奶。甜味中和返抺茶既苦涩，配上牛奶好夹呀。呢度既套餐真系物超所值。一场黎到点可以唔食甜品呢。其中一款系咖啡冻巧克力慕思芭菲。食落有d似tiramisu既味道，最底既咖啡味啫喱配上两款唔同既朱古力慕思，味道层次好丰富。黎到抹茶芭菲。雪糕好浓郁既抹茶味，将每一层既啫喱同mousse mix埋最底既粟米片黎食，不同既口感好满足。