川川貢

营业中

休息中

暂时食过最高质最高性价比嘅川菜自问都几钟意食川菜，屯元天嘅川菜馆都食过唔少，天水围嘅辣将x，元朗十三x，屯门双x，水准都几唔错的，但今次新发现嘅呢间川川贡可以一次过超越晒我之前钟意过嘅川菜馆！位置非常隐蔽，喺条巷仔转入去，唔识路嘅话好容易兜好耐都揾唔到路。我对酸菜鱼情有独中，呢间卖$198，一大盘，生鱼片多之余，配菜例如豆卜、鸡髀菇等都非常多，追加个宽粉绝对够三四个人食。生鱼片全部无骨，伙记话系老板每日坚持人手起骨，用心之处值得比多啲人识！蒜泥白肉：每件都包住青瓜丝，面上仲有大量蒜同辣椒👍🏻另一道最爱辣子鸡软骨，份量同样十足，调味够，鸡软骨炸得香脆。仲叫左碟干煽四季豆，够镬气👍🏻