初芋 (已結業)

呢日下午经过旺角见到间新开嘅甜品舖初芋，作为甜品控嘅我马上入去啦！甜品舖里面装饰设计用咗粉紫色，仲用咗好多镜同埋白色作为衬托，彷佛置身于童话公主嘅国度。我哋首先要咗个暖笠笠重量级火锅， 火锅嘅配料好丰富，有水晶冻粉，芦荟， 紫米， 芋泥，桃胶同埋红豆，六色芋圆 。芋圆好新鲜，有绿色，粉红色，黄色等等，食得出果蓉味道，好烟韧。再加上一个透明茶杯装住嘅椰皇鲜奶露淋系上面 ，配合埋火锅盘里面爽脆嘅水晶冻粉，芦荟，软软嘅红豆同芋圆，紫米等一齐食，暖暖地感觉到既滋润又有咬口。火锅盘嘅中间放咗干冰，就好似有阵阵嘅仙气飘嚟飘去一样，非常梦幻。 重量级冰极芋圆火窝系列, 7色芋圆及多款配料。红莓谷用3.6日本牛奶制成嘅绵绵冰， 有少少草莓同埋草莓脆脆脆喺绵绵冰旁边，底下系草莓味嘅布甸。性感鱿墨如果想食啲咸味嘅小食，我会推荐呢款，又有鱿鱼又有墨鱼， 香辣口味，加上椰菜。