波羅密素食 (已結業)

见佢又有火㶽，又有半自助餐，又可以散叫咁多元化，当然要试吓。入到去选择半自助餐。前菜，汤，甜品可任食，主菜就从二十款选择，每人一款。我哋两个人叫咗干炒牛河同椒盐茶树菇。干炒牛河冇味，椒盐茶树菇就一般都系冇乜味。所有前菜包括春卷，炸蕃薯及其他(不论热食或冻食)都系冻嘅，好似放咗好耐咁。心谂点解热食唔热住佢。汤料出唔到味，所以汤都系冇乜味。甜品有蕃薯糖水，椰汁榚都系一般。到埋单时想签咭，点知个姐姐话唔得。佢话原因系半自助餐收得平，如果食火㶽或散叫就得。心谂，有冇搅错，佢个半自助餐冇乜嘢好食，收$138加一，两个人都$304。唔系话好贵，系唔抵。而且有乜理由唔畀签咭，真系火都嚟。出到门口个老板娘仲好意思问我啲嘢点。我答都费事，冇下次。