大勝丼 (已結業)

大胜丼食过好多次，每一次食仍然保持水准，所以出旺角谂起日本嘢都一定必食😋主打系寿司丼饭，另外都会有小食，如果食完我当饭仍然觉得唔够饱可以试吓，但系呢度啲刺身丼饭抵食夹大碗，可能要大食积先食到喇😜😜刺身丼饭选择很多，但我比较喜欢好似车仔面咁择𩠌，每次食我都会拣四样𩠌今次我拣咗三文鱼，蟹膏，左口鱼边，同埋吞拿鱼腩茸！系逐样𩠌计钱大致上饭很大碗，最值得推荐系蟹膏同左口鱼边, 蟹膏份量劲多可以同朋友share，容易送饭♥️左口鱼边火炙用火枪烧过，入口甘香即溶，必食之选！另外每碗饭都会附送面豉汤一碗，及返后会送雪糕糯米糍一粒，晚市比较多人记得预约