三星台菜食堂 (新城市廣場一期) (已結業)

食过三星几次，都觉得水准几高，所以今次食饭就带埋朋友一齐嚟食台式牛肉面等左一阵就好快有位，职员都非常有礼貌咁招待我哋 落左单都冇5分钟就有嘢食，厨房效率值得一赞首先一人叫一碗牛肉面先我钟意食牛筋同牛肚，所以叫咗三星面 汤底好浓郁，好香，未食面就先忍唔住饮咗几啖完全唔系味精汤咁嘅味，亦都冇口渴配料亦炆得非常入味，牛肉好淋，好好食 我拣咗粗面，果然非常有咬口，煮得啱啱好全晚最惊喜反而系呢个甜品好似系新出嘅所以系第一次食一上菜第一下系觉得非常大碗！完全系三四个女仔食嘅份量。爱文芒果又多又大粒又甜，而铺系底嘅刨冰就正正常常，有淡淡牛奶味。重点系价钱唔贵，有咁多芒果又咁大份量真系物超所值虽然佢话只可以坐一个钟，但系其实如果冇客等嘅话系冇人会赶你走总括而言，呢间野真系几高质，下次再嚟嘅时候要试吓其他野食先得！