金御海鮮酒家 (已結業)

豆苗餃，我個人就不太喜歡，硬係有陣草青味呢，皮又非常的厚啊。潮州粉果，有蔥有芫茜我食唔到呀，到依家都只係食大埔新明發既潮州粉果，勁好食，仲無蔥、無芫茜、無花生、無葛架，好味道。豉汁雞腳，炆得入味軟棉，一啜就甩晒，食得容易又快，哈哈。炸雲吞，點甜酸醬同吃，好脆口加酸酸甜甜，滿意啦。懷舊馬拉糕，唔係度度有得食啡色架，特別香甜架。椒鹽魷魚鬚，炒得香口、炸得鬆化、魷魚彈牙，合格。鵪鶉蛋燒賣，大大粒豬肉球味香濃多肉汁，我鍾意。大大啖成粒啪入口，鵪鶉蛋同豬肉味非常配合，好味道 ﹗