燒烤堂 (已結業)

今次系第一次嚟烧烤堂，有非常意外惊喜，开头同老婆都系想叫一d普通嘅鸡牛猪串烧，但烧烤堂位靓女好专业友善咁介绍佢地必食之选，当中有以下烧野生多宝鱼- 本人本身唔好鱼，怕腥，但出奇地条鱼鱼皮烧得好脆，d鱼肉好滑，而且一d都唔腥，配合d泰式汁，绝配！泰式猪颈肉 - 外脆内软，d肉一d都唔鞋，出色。烧鸡心 - 爽口弹牙，鸡心上嘅烧汁野味。蜜糖鸡翼 - 鸡皮烧得香脆，唔㶶，但入面d肉又嫩滑，而且系熟，近骨位置d肉都无血出，火候arm arm 好。芝士蚝 & 粉丝元贝 - 海鲜大只又新鲜，物超所值，味道一流。除咗食物质素，烧烤堂环境一流，可选择室内同室外，适合食烟人士。服务质素亦是我要激赞嘅地方，位靓仔同靓女态度友善，耐心介绍食物，有礼貎，最后仲送咗串烧菠萝比我地食。以前都只有睇人食评，今次系我第一次写食评，主要系今次嘅惊喜想同其他人分享，信我，烧烤堂真系值得一试！