王家沙 (已結業)

晚饭时，咁啱行到王家沙，心血来潮想食小笼包，见唔洗等位就入左去。王家沙个环境唔错，干干净净同埋坐得几舒服。啲侍应都好主动落order，收碟同斟茶。我地2个人叫了2款小食同2款主食，埋单380左右，连加一同花生钱。上网见到可多人都post醉鸡，所以就叫咗个黎食！呢碟醉鸡就真系袖珍到呢，价钱同份量好似唔系好岩比例。味道仲要麻麻，好大阵雪味，无咩肉得啲皮。不过佢个酒味都香嘅，无浸到有苦味。90几蚊其实可以唔洗叫。蟹粉小笼包我觉得唔错，汤系鲜甜嘅，唔油腻，皮都算薄！酸辣汤面呢个酸辣汤就真系最麻麻！面好淋呀！个汤无咩层次，又唔够酸又唔够辣！有少少失望呀！最后，三鲜汤年糕本来以为系伏，点知意外地好食！个汤好清甜，因为有好多娃娃菜同菇，好似仲有少少金华火腿同埋虾干味！饮完，个人好舒服！年糕个size好正，系比普通上海年糕长身啲，而且佢个口感好好，好chewy！