影片
更多
2022-10-24
1642 浏览
Kyoto Joe大名听过唔少次,自已都一直好想黎试下.今次咁啱见到佢地既和牛龙虾tasting menu即刻比佢地吸引左,二话不说就book左试试.A4仙台和牛及龙虾DINNER TASTING MENU hkd$888矶煮鲍鱼慢煮鲍鱼质感软腍又不失鲍鱼既弹性.鲍鱼鲜嫩得黎浓郁又被浓厚既矶煮汁包裹住.鲍鱼充分地吸晒矶煮汁,鲜甜咸香.旁边既配菜同样出色,自家腌制既萝卜配上七味粉,爽脆多汁,酸甜中又带点辛香感.新鲜清爽既青瓜配上三文鱼籽带出一阵鲜味.蟹肉菠菜沙律以北海道蟹肉拼上清爽既菠菜而成既第一道开胃菜.鲜甜既蟹肉及清甜既菠菜配上底下既醋汁,清新开胃.刺身 & 寿司盛合由4小碟拼成既盛合丰富又豪华.店内好细心咁介绍每一道菜式,由左至右食起.第一道先系立鱼刺身,味道清香肉质爽弹.第2系赤虾刺身,刺虾甘甜鲜味,配上梅子酱再炙烧过后虾头内既虾膏浓郁香溢.中间和牛刺身同样经微微炙烧后令和牛既油脂溢出,质感香滑细腻.最后一碟系拖罗海胆寿司拼拖罗北海道长蟹脚卷,色泽亮泽既海胆甘甜,配上鱼子及拖罗带出超浓厚既鲜味.旁边既卷物同样唔输蚀,味道鲜甜清新.温野菜烧有日本青椒仔,蕃茄及蕃薯仔.烧物烧得刚好唔
A4仙台和牛及龙虾DINNER TASTING MENU hkd$888矶煮鲍鱼
慢煮鲍鱼质感软腍又不失鲍鱼既弹性.鲍鱼鲜嫩得黎浓郁又被浓厚既矶煮汁包裹住.鲍鱼充分地吸晒矶煮汁,鲜甜咸香.旁边既配菜同样出色,自家腌制既萝卜配上七味粉,爽脆多汁,酸甜中又带点辛香感.新鲜清爽既青瓜配上三文鱼籽带出一阵鲜味.
蟹肉菠菜沙律
以北海道蟹肉拼上清爽既菠菜而成既第一道开胃菜.鲜甜既蟹肉及清甜既菠菜配上底下既醋汁,清新开胃.
刺身 & 寿司盛合
由4小碟拼成既盛合丰富又豪华.店内好细心咁介绍每一道菜式,由左至右食起.第一道先系立鱼刺身,味道清香肉质爽弹.第2系赤虾刺身,刺虾甘甜鲜味,配上梅子酱再炙烧过后虾头内既虾膏浓郁香溢.中间和牛刺身同样经微微炙烧后令和牛既油脂溢出,质感香滑细腻.最后一碟系拖罗海胆寿司拼拖罗北海道长蟹脚卷,色泽亮泽既海胆甘甜,配上鱼子及拖罗带出超浓厚既鲜味.旁边既卷物同样唔输蚀,味道鲜甜清新.
温野菜烧
有日本青椒仔,蕃茄及蕃薯仔.烧物烧得刚好唔过火,蕃茄加上少少香草酱更能突出蕃茄既甜味,入口香甜juicy.
黑松露汁焗龙虾
一上枱见到已经充满惊喜!先系presentation已经好吸引.厚身既龙虾肉肉质爽弹结实.味道充满虾鲜香味,配上黑松露汁食虾香更浓厚既同时又唔会抢去龙虾自身既鲜味.
A4仙台和牛陶板烧
以热陶板烧送上, A4仙台和牛既雪花纹理分布平均细致.入口带出丰腴既牛脂香,味道香而不腻.和牛自身已经充满香味,基本上都唔需要再额外调味.
冷稻庭乌冬
幼滑爽弹既乌冬充满咀嚼感,加上咸香既鲣鱼冷面汁及少少芥末清爽得黎又唔会腻.
芝士蛋糕
最后配上日式芝士蛋糕做总结,轻盈得黎又满足.
张贴
