森記甜品之家 (已結業)

面对时代巨轮,森记都逃离唔到成历史之命运...当知道结业之日将近,就去呢间往时经常帮衬嘅小舖好好缅怀一番...一碗热辣辣嘅紫米粥,虽然味道唔可以话全港最好,只可以话过得去,但于呢个年代,只需$11一碗,就可以食到唔难食且足料嘅紫米粥,又有何苛求呢...与其话佢啲糖水好味,倒不如话佢好在系充满人情味,系现今香港社会极度欠缺嘅人情味...晚晚都有众多人喺门外等位,就算十一二点都一样,无他,此处乃港大生夜晚聚脚热点,咁平,啱晒学生哥胃口~是夜都一样,虽然地方细细,华丽装潢欠奉,又唔算特别干净,且坐得好挤逼,但仍不减大家帮衬嘅热心...如今,森记已成历史,每次经过望到已落闸嘅舖头,均想起KAY一首歌---<最后晚餐>...又一间老舖结业,究竟将来嘅西环会变成点呢无人知,但我就无眼睇lu...