Cafeholic (已結業)

俾左信之后，就开始约紧啲同事食散水饭。今日落好大雨呀，本身想去食啊元来了，但系落大雨都劲多人排队，于是就去左隔离街嘅cafeholic 度食嘢。等左一阵，就有得入左啦。我叫咗L1餐，蟹肉粟米菠菜忌廉长通粉（ $66 ），长通粉软硬度煮得适中，菠菜、蚬肉、粟米配搭得刚刚好，而且酱汁收水收得恰到好处，长通粉条条都被酱汁包覆着。非常好食！同事叫咗日式咖喱猪扒蛋包饭（ $79 ），同事分咗少少比我食，佢嘅炸猪扒炸得黎肉质非常松软，咖喱系日本𠮶款，虽然我比较钟意食印度咖喱多啲，但个味道亦都非常之唔错，而个蛋呢，煎得刚刚好，唔会太老，配埋入边嘅饱饭去食，实在非常惹味。呢会跟餐汤同埋餐饮嘅，虽然要加一但系我都觉得佢系一个几唔错嘅选择，楚又坐得舒服而环境亦都几靓嘅，算系牛头角呢区质数之选。