有料案內所 (井財街)

营业中

休息中

第二次黎朝圣，都系食返好评嘅窝夫🧇。今次叫咗特别嘅珍珠奶茶窝夫，材料好丰富，唔只窝夫咁简单，一次过满足多个愿望。首先有奶茶雪糕，味道似台式奶茶，比较甜。同上次𠮶个灸烧焦糖布丁窝夫唔同，窝夫今次切开咗4件，排得靓靓仔仔。窝夫上有重茶味嘅cream，cream好细滑。由于cream唔会过份甜，食落唔会太腻，好味到每一细件窝夫都要点晒啲cream。半碟仲有红豆蓉、珍珠同埋三色芋圆。本身对护院冇大期望因为唔系主角，但佢嘅芋圆绝对唔马虎，分别好重地瓜、芋头味，唔会只系好似食到一旧冇味嘅粉。红豆蓉本身甜，所以觉得配埋窝夫食嘅话就太甜，有可有可无嘅感觉。而珍珠口感就正常发挥。一齐行山嘅同学就叫咗店舖抹茶红豆刨冰🍧，分量大得惊人。佢有啲后悔落得唔够多炼奶，但整体好评。