The Cipollini Pizzeria

营业中

休息中

平时好钟意食意大利菜，见到呢间餐厅有新鲜制造嘅意大利面，手工pizza同埋正宗意式雪糕，完全中晒我嘅最爱。香草酱虾与樱桃香茄意粉嘅香草酱好浓好Creamy，大虾煎到又弹又爽，酸甜嘅小蕃茄为意粉解腻，整体做到好好嘅平衡。另外特大螃蟹墨汁意大利粉配翠玉瓜和彩椒，讲到明系特大螃蟹，啲蟹肉真系大大嚿啖啖肉，蟹肉份量十足，而且非常鲜甜。我哋一路都拣唔到食咩pizza，最后就问店员应该拣 chicken tikka 定系 carbonara，最后店员竟然话可以特别整个合并pizza俾我哋，即系两种味都可以试晒，超级开心！个人觉得chicken tikka更加好味，蕃茄酱汁底再加埋腌过嘅鸡肉，配埋上面嘅薄荷酱，仲有啲洋葱添，成个配搭极之好味。Carbonara嘅口味就比较特别，融合咗意大利两大名菜。总括嚟讲好钟意呢度嘅薄批，系食过最好食嘅薄批！咁食一餐正宗嘅意大利菜又点少得甜品，呢度嘅雪糕系正宗意大利Gelato，Gelato比平时嘅雪糕健康，而且特别幼滑。我哋拣嘅味道系冧酒提子，特别推荐一定要食埋个窝夫筒，超级新鲜，超级脆卜卜！嘢饮方面拣咗抹茶皇朝沙冰两个人分享饮，热辣辣嘅天气饮杯沙冰真系超级正。