影片
更多
2016-02-12
2974 浏览
年中都试唔少新餐厅，但大部分都系一次即止，甚少回头，当中只有大约一成系久不久又想再食，一门就系其一。第一次去一门大约系十年前，自从食过佢的玉子烧就一直念念不忘。玉子烧有好多种口味：芝士、杂菌、蟹肉等等，但我只喜欢咩都冇的原味（$48），咁先品尝到蛋汁甜味。自己都整过几次玉子烧，要做得好唔容易，就算系其他日式餐厅都唔系间间有水准。呢度的玉子烧系有一手，软绵到好似绵花，几乎入口即溶，内里充满蛋汁，加少少酱油同萝卜蓉更加美味。唔知大家细个有冇睇味吉阳一，食到好味嘢会系云上飘好似有点夸，但我食呢度的玉子烧真系会有幸福感觉，佢就系我的comfort food。做得居酒屋当然串烧都要有咁上下，我钟意食牛舌（$42），虽然偏薄身，但都几爽脆，调味亦唔过咸。其他系盐烧鳗鱼（$55）、汁烧带子（$35）、鸡肉串（$25）、免治鸡肉串（$25），我只试到后两者，都系预期中的味道，但起码唔会烧得干。居酒屋就算有提供寿司，通常款式唔多，同埋比较少逐款点，一门寿司都系杂锦款式，分别在于数量，10件（$250）有海胆、虾、吞拿鱼碎军舰、三文鱼、带子、吞拿鱼等等，几丰富，鱼多饭少，卖相都标准，鲜度ok。蛤蜊香草铁锅
第一次去一门大约系十年前，自从食过佢的玉子烧就一直念念不忘。玉子烧有好多种口味：芝士、杂菌、蟹肉等等，但我只喜欢咩都冇的原味（$48），咁先品尝到蛋汁甜味。自己都整过几次玉子烧，要做得好唔容易，就算系其他日式餐厅都唔系间间有水准。呢度的玉子烧系有一手，软绵到好似绵花，几乎入口即溶，内里充满蛋汁，加少少酱油同萝卜蓉更加美味。唔知大家细个有冇睇味吉阳一，食到好味嘢会系云上飘好似有点夸，但我食呢度的玉子烧真系会有幸福感觉，佢就系我的comfort food。
做得居酒屋当然串烧都要有咁上下，我钟意食牛舌（$42），虽然偏薄身，但都几爽脆，调味亦唔过咸。其他系盐烧鳗鱼（$55）、汁烧带子（$35）、鸡肉串（$25）、免治鸡肉串（$25），我只试到后两者，都系预期中的味道，但起码唔会烧得干。
居酒屋就算有提供寿司，通常款式唔多，同埋比较少逐款点，一门寿司都系杂锦款式，分别在于数量，10件（$250）有海胆、虾、吞拿鱼碎军舰、三文鱼、带子、吞拿鱼等等，几丰富，鱼多饭少，卖相都标准，鲜度ok。
蛤蜊香草铁锅烧（$78）类似清酒煮蚬，不过换左牛油香草汁，味道更香，净饮都一流。蛤蜊唔系大只，但每只都好厚肉鲜甜。
想饱肚可以食石头饭，泡菜豚肉石头烧饭（$75）大概可以分到5碗，热辣辣之余仲有少少饭焦，泡菜酸辣惹味，算有水准。
在此再感谢朋友请客值得去指数：
题外话/补充资料：
注意要记得订位，walkin比较难，仲有繁忙时间限食1.5小时。
(以上食记乃用户个人意见 , 并不代表OpenRice之观点。)
张贴
