穴 (奧海城二期)

营业中

休息中

黎依度最少都一个月一次。每次无订位都有位。我中意依度食物质素好，奥海城一二三期黎讲得依间我会次次叫刺身食。平时散叫前菜主菜饮品，今次就试下二人餐！二人餐份量相当，基本上咩都有，前菜主菜串烧炸物甜品等等，系唔包野饮。不过我中意饮茶就无叫了。前菜蟹籽青瓜沙律，感谢fresh又健康。之后刺身四点，我一般都唔中意食鱼刺身，但依间啲鱼唔会点样觉得好鯹，又咬得烂，仲要佢冰上感觉新鲜，带子最正，好食到唔识形容。之后寿司三款加牛油果鳗鱼卷全部都oyishii~~松软度口感一流！再来炸物同串烧已经饱饱地，来多碗牛肉乌冬真系饱到加零一，乌冬系稻亭乌冬，牛肉亦有好多块。最后我都食晒既。最后我相信好多人都有第二个肚系for甜品既，我都唔例外，叫左柚子同抹茶雪糕，抹茶食得多，柚子未试过感觉新鲜，食落夹杂啲柚子皮，又几得意。服务依间不嬲都好好，keep住帮手加茶，野食都黎得快，餐具污糟亦主动更换，用餐体验每次都好好。