HON10 (已結業)

星期六嘅中午，金钟太古广场试吓呢间日本料理，店内空间感十足，环境清幽，唔会太嘈杂，可以慢慢享受午餐呀睇吓餐牌，价钱都有平有贵，丰俭由人，但午市都咁少人嘅。先叫杯柚子酒$88解喝先，日本果酒真系好香，好易入口，所以饮得多好易醉，揸车就唔好饮呀。点咗5款刺身$348，鱼肉冇雪味，又唔系啱啱喺雪柜攞出嚟仲冻冻地，而系溶好晒雪喺室温嘅温度，食落水未至于入口即溶，但鱼嘅香甜都一一感受得到。大虾野菜天妇罗$128，我对天妇罗冇咩兴趣，但呢个天妇罗粉浆啱啱好，唔会一咬落去就甩过晒，虾又新鲜，有弹性，又甜。本店杂锦鱼生饭$258，鱼生真系好好味，饭上面仲有海胆，好甜好正呀，大虾都系啫，其实一个人自己嚟食碗饭，加杯威士忌都够。蒲烧鳗鱼饭，鳗鱼肥美，烧汁又正，呢个饭又系可以自己一个嚟食，再加杯清酒。两个人唔算大食，但系两碗饭都食唔晒，下次唔好叫咁多物先得呀。