Asian Lab

营业中

休息中

呢间位于黄埔新开的越南菜简直刷新我对越南菜的认知，据说系因为师傅同埋店员大部份都系越南请过嚟，所以佢哋嘅味道会最贴近东南亚本土嘅味道！真系好有心思！大虾青木瓜沙律 呢个份量好大！木瓜沙律啲木瓜好新鲜，超级适合呢个炎热嘅天气，配埋佢哋秘制嘅沙律汁，好清爽解制！巴生肉骨茶 肉骨茶系东南亚菜嘅特色食品，梗系唔可以错过啦！呢一间嘅肉骨茶汤底好足料，有味味甘甜，饮落觉得好滋补！最特别嘅系佢嘅肉可以根据客人嘅喜好去选择，例如可以有一字骨同埋猪软骨，我哋拣咗一字骨，啲肉好多好足料！呢个价钱两人份量嘅肉骨茶，性价比好高！芒果牛油米纸卷呢个米纸卷都好好食！里面嘅用料丰富又新鲜，好Refreshing，最重要系配埋佢哋个特制酱汁，个酱汁酸酸甜甜，超级开胃！牛油果沙冰牛油果沙冰好smooth，冰冰凉凉好解暑，最适合夏天饮用！越南烤乳猪呢个系佢哋嘅期间限定特色菜肴，越南烧乳猪要等半个钟㗎 ！如果大家想试就一坐低记得嗌咗先！猪皮好脆身，咬落去索索声！猪肉好嫩滑多汁，睇得出系用靓乳猪佢烧制而成！食到停唔到口啊！呢间东南亚菜嘅装修都好别致，佢哋啲画都系越南同埋马来西亚当地嘅风情画，顺带一提外墙亦都有一幅好大嘅油画，