一風堂 (奧海城) (已結業)

要食正宗的博多拉面，点数都要数到一风堂。呢度拉面有分「特制」同「冇特制」，具体分别系特制多块叉烧，多半只温泉蛋，多廿几蚊咁，你问我特唔特制，我紧系唔制啦！我宁愿加$25转套餐，可以多个小食仲多埋野饮。讲返个拉面，汤底有浓郁猪骨味，拉面面质爽口弹牙，有四种软硬程度俾你拣，叉烧精莹剔透，薄薄一片但有极浓肉香，纤维细致肥瘦分明，简直系妙品呀！加$25蚊就有明太子鸡翼食，两双饱满的鸡翼交叉相叠放于碟上，一只左翼、一只右翼，双翼齐飞，相当治愈。食落就知有料到，温度掌握非常好，刚刚炸起新鲜热辣，入面明天子涨卜卜，啖啖肉好满足。整体感觉满意，品尝拉面过程俾到一种称心惬意的感觉系日本人独有，能为食客带来一种和式小确幸，非常期待下一再次光临。