人和荳品廠 (已結業)

今日同朋友行铜锣湾嘅时候，朋友提出去食我哋好钟意嘅豆腐花，大家不约而同地都话去鹅颈桥间“人和”。一来无咁多人，坐都坐得舒服啲，二来豆腐花感觉大碗过另一间铜锣湾分店。入到去，例牌叫咗一冻一热豆腐花($12×2)，再加碟炒面$16，加埋都只系$40，真系抵食。总结：暂时系我哋系香港食过咁多间觉得最滑嘅豆腐花，炒面亦都好好食。至于店员嘅服务态度，感觉就一般般，见到佢哋对拉喼嘅游客就比较差少少，可能店内空间位比较少，而店面环境卫生都算可以。