太平洋咖啡

营业中

休息中

冬天嘅时候双手冰冷，如果可以攞住热饮暖手暖身实在太好啦！适逢今次平日1中有假期放，去沙田行下家私店前，去Pacific coffee买返一杯饮完再行先。我估依间分店主要服务商业大厦嘅员工，所以平日先会开，假期唔会开。好钟意饮依个matcha latte, 我会转做豆奶，感觉好饮d。豆奶同埋绿茶粉嘅味道好夹，加上去少少甜，冬天之下饮落去真系好温暖。唔知系咪肠胃唔好啦，每次我饮绿茶牛奶嘅话，就会有啲晕嘅感觉，而饮完会饱到食唔落其他嘢。饮豆奶嘅话就冇依个问题。另外见唔见到幅相下边有个热狗呢，哈哈。我系买完饮品之后再上宜家家私小食店买热狗，再坐喺出边露天公园食。食完好有动力去行同买小家品同睇家私。