貴川風味館 (已搬遷) 新店位置

每次行旺角諗唔到食乜，唔想捱朗豪坊food court食貴野，又唔想掃街食唔飽又唔覺唔覺洗左好多錢，呢間米線鋪就岩曬！一定食得飽之餘仲好好味，高質抵食快靚正之選！呢日又過黎食，繁忙時間有時要等位，不過都好快，阿姐會mark定人同叫你揀定野食，一埋位就會同你落單，流水式作業，安排幾好。我最鐘意就係呢款酸辣雲南小鍋米線，加腩肉，小小辣，入面既酸菜、莞茜、牙菜、肉碎份量好多，同獨有辣汁湯底混埋一齊簡直係perfect池，每次都一定連湯飲埋食曬！